Hinding hindi na ako nagtatanong sa sarili ko kung bakit may nanay ako na sobrang kengkoy, isa lang naman ang sagot: mana sya sa lola naming kahit uugod ugod ay kita pa din ang kulit.
Most unforgettable moments with my lola:
1. ISANG ARAW HABANG NANUNOOD AKO NG “I AM NUMBER FOUR”.
Lola: apo hindi ba’t mahilig ka sa maning hubad?
Ako: ahhh opo lola…
Lola: o iyo na lamang ireng mani. (iniabot sa akin ni lola at kinuha ko naman at kinain)
PAGKALIPAS NG ILANG MINUTO NANG MAUBOS NA ANG MANI, NAPANSIN KO NA LANG ANG TATAK NG LALAGYAN. MNM’S! (takbo ako kay lola, panalangin ko na sana mali ako ng iniisip wwhhaaa!! Kaya pala medyo malansa at malagkit lagkit!)
Ako: Lola saan nyo po nakuha yung mga maneee!!
Lola: bakit masarap ba? Dun yun sa loob ng mga bilog na tsokolateng padala ng Tito mo, hindi ko kasi makagat kaya sa iyo na laang ko ibinahagi.
TUMINGIN NA LANG AKO SA TAAS… SABAY SABING .. “SANA NANANAGINIP LANG AKO”.
2. FAMILY OUTING SA CAVITE. Isang araw mainit na tanghali ang dumating sa buong Cavite kaya nagpalamig kami sa “ILAT” kasama ng mga pinsan at mga kaibigan (ilat ang tawag nila isang malaking ilog na makikita sa lugar namin) kasabay ng paglangoy ay naisipan na din naming mangisda bago umuwi at sa kabutihang palad ay nakahuli naman kami ng tatlong piraso ng dalag bago man lang lumubog ang araw. Pagdating sa bahay ay nagluto kami agad, hindi uso ang kalan at kaldero sa probinsya kaya sa palayok at kahoy kami nagluto.
HABANG KUMAKAIN AY BUMABA SI LOLA
PINSAN: nay, kain po, pangat nagluto kami.
LOLA: hala sige kayo’y kumain lang, kununin ko lang yung arinola ko. Makikiabot nga apo.
AKO: PO? SAAN PO?
LOLA: yang arinola ko… yang nasa lamesa, bakit ba nandyan yaan? Bilis at ako’y naiihi na kanina pa.
NAGKATINGINAN NA LANG KAMING LAHAT SABAY LUWA NG KANIN SA PLATO, KANYA KANYANG MUMOG.
KINABUKASAN:
PINSAN: ang sarap ng pangat na isda kagabi noh… kaya pala malasa kahit walang ginisa mix.
3. LOLA: (nangangaral) mag-aral kayo ng mabuti para hindi kayo maghirap paglaki ninyo at nang makapangasawa kayo ng maayos. Tignan nyo nga ako, hindi nakapagtapos kaya ang napangasawa ko ang lolo nyo.
ATE KO: bakit naman po, ano po ba si lolo?
LOLA: patay na… ano pa ba?
(madalas magulong kausap si lola talaga kakalerky)
4. ISANG UMAGA: pinabili ako ni tito ng diaryo, nakita ni lola na lalabas na ako ng pinto.
Lola: oi bata ka, lalabas ka ba? Isabay mo naman akong ibili ng papaya.
AKO: sige po.
PAGKALIPAS NG ILANG MINUTO BUMALIK AKO NG BAHAY DALA ANG DIARYO AT PAPAYA.
Lola: (iniabot ko ang papaya sa kanya) ano ito?
AKO: papaya po lola, di ba sabi nyo po papaya?
LOLA: patawarin kang bata ka. Yung sabong pampaputi na PAPAYA pinabibili ko.
AKO: PATAY! (papaya lang kasi sabi ni lola at malay ko bang may balak pang magpaputi ng mga matatanda)
5. Pinakahindi makakalimutang sinabi ni lola
“Maikli lang ang buhay mga apo, pero sa maikling buhay natin maraming nangyayari, mararamdaman nyo lang ang tunay na halaga ng buhay kapag nasa kalagayan na naming kayo, maiisip nyo ang mga bagay na hindi nyo nagawa at ang mga nagdaan na pwede nyong pagsisihan.
ang pinakamahalaga sa lahat… alam nyo kung ano? Magawa nyo ang tungkulin nyo sa sarili nyo at sa mga mahal nyo sa buhay lalo na sa mga magiging anak nyo. Palagi kayong magtiwala sa Dios dahil Sya ang magsasabi sa inyo ng mga dapat nyong gawin at dapat nyong puntahan habang nabubuhay pa kayo. Magsikap kayo, mula sa mababa ang lahat, magpakababa ka at matataas ka, makikita mo na lang isang araw natutupad na pala lahat ang mga pangarap nyo. At … at… tatandaan nyo wag na wag kang gagawa ng masama, wag na wag kang mangaargabyado ng kapwa, ay naku maniwala kayo mga iho at iha, walang patutunguhan ang buhay nyo kapag ganyan. (ISANG USAPAN YAN SA HOSPITAL DALAWANG LINGGO PAGKATAPOS NYAN HINDI NA GUMISING SI LOLA)
hehehe missing you lola… miss na miss super!
